०७ साउन २०८३, बिहीबार
यौन दुर्व्यवहार तथा बलात्कारका अपराधीलाई पाकिस्तानले केमिकल कास्ट्रेसनको सजाय दिने सोच बनाइरहेको छ ।
केमिकल कास्ट्रेसन भन्नाले चिकित्सकको भाषामा एन्टी लिबिडिनल उपचार हो । अर्थात्, पुरुषलाई औषधि दिएर टेस्टोस्टेरोन (आवेग) घटाउने काम हो ।
‘यसले काम गर्ने संकेतहरू पाइन्छन् तर यो कत्तिको प्रभावकारी छ भन्ने विषयमा ठोस प्रमाण छैन,’ जर्मनीका स्नायुचिकित्सक तथा फरेन्सिक मनोचिकित्सक युर्गेन मुलरले बताए ।
अहिलेसम्म यस उपचारको सफलतालाई मूल्यांकन गरिएको कुनै अन्तर्राष्ट्रिय अध्ययन गरिएको छैन ।
तर जर्मनी लगायतका युरोपेली मुलुकहरूले सम्भावित तथा कसूरदार बलात्कारीलाई सजायका रूपमा नभई उपचारका रूपमा कास्ट्रेसन गर्ने गरेका छन् ।
पाकिस्तानमा यौन दुर्व्यवहारको सजायका लागि केमिकल कास्ट्रेसन भित्र्याउने विषयमा बहस चलिरहेको छ ।
पाकिस्तानको फौजदारी संहितामा बलात्कारी र बालयौन दुराचारीका लागि आजीवन कारावास तथा मृत्युदण्डको सजायको व्यवस्था छ ।
तर देशमा बलात्कारका घटना बढ्न थालेपछि थप सजायका व्यवस्था गर्न माग उठेका छन् ।
