३० असार २०८३, मंगलबार
नेपाल क्लियरिङ्ग हाउस लिमिटेडले आफ्नो १६९ औं संञ्चालक समितिको बैठकबाट राम बहादुर मानन्धरलाई सर्व–सम्मत रुपमा अध्यक्ष पदमा चयन गरेको छ ।
डेपुटी गभर्नर डा. नीलम ढुङ्गाना तिम्सिनासँग उनले अध्यक्ष पदको लागि सपथ ग्रहण गरेका छन् ।
तत्कालीन अध्यक्ष नरेश शाक्यको नेपाल राष्ट्र बैंक भित्र विभाग परिवर्तन भए पश्चात मानन्धरले क्लियरिङ्ग हाउसमा प्रतिनिधित्व गरेका हुन् ।
नेपाल क्लियरिङ्ग हाउसको संञ्चालक समितिमा नेपाल राष्ट्र बैंकबाट एक जना, वाणिज्य बैंकबाट तीन जना, विकास बैंक र वित्तीय कम्पनीबाट एक–एक जना प्रतिनिधि रहेका छन् । एनसीएचएल नेपालमा राष्ट्रिय भुक्तानी प्रणालीहरु स्थापना गर्न नेपाल राष्ट्र बैंक र बैंक तथा वित्तीय संस्थाहरूद्वारा प्रवर्धित कम्पनी हो ।
