०२ असार २०८३, मंगलबार
कैलालीको टीकापुर नगरपालिका–१ स्थित नेपाल खाद्य संस्थानको गोदाम अगाडि फेला परेको सकेट बम नेपाली सेनाको टोलीले निष्क्रिय गरेको छ ।
नाला निर्माणका लागि स्काभेटरले खन्ने क्रममा शुक्रवार सकेट बम फेला परेको हो ।
इलाका प्रहरी कार्यालय टीकापुरका प्रहरी निरीक्षक अरुण बमका अनुसार नाला खन्ने क्रममा बम फेला परेको हो । आल्मुनियमको भाँडामा वरिपरि कालो टेप र तार बेरिएको बम कालिरक्षा दलगण मसुरियाबाट आएको नेपाली सेनाको टोलीले निष्क्रिय पारेको प्रहरी निरीक्षक बमले जानकारी दिए ।
सोमवार बिहान १० बजे बम निष्क्रिय भएपछि सडकमा आवागमन नियमित भएको छ ।
