२३ असार २०८३, मंगलबार
प्रधानमन्त्री एवं नेकपा एमालेका अध्यक्ष केपी शर्मा ओलीले फागुन २३ गतेको सर्वोच्च अदालतको फैसला आएको केही दिनमा आफूले माओवादी केन्द्रका अध्यक्ष पुष्पकमल दाहाल ‘प्रचण्ड’लाई फोन गरेको बताएका छन् । तर प्रचण्डले गलत व्याख्या गरेको ओलीको गुनासो छ ।
शनिवार लोकान्तर डट्कमलाई दिएको विशेष अन्तर्वार्ताका क्रममा प्रधानमन्त्री ओलीले टेलिफोन संवादबारे प्रचण्डले मिडियामा गलत ढंगले कुरा पुर्याएको बताए ।
‘मैले प्रचण्डजीलाई फोन गरेको हुँ, उहाँले केन्द्रीय समिति बैठक सकिएपछि फोन गर्छु र भेटौं भन्नुभएको थियो,’ ओलीले भने, ‘मैले केन्द्रीय समिति बैठक भनेर टार्दिए भनेर प्रचण्डले भन्नुभएछ, मसँग त्यस्तो कुरा भएको थिएन ।’
प्रधानमन्त्री ओलीसँगको विशेष अन्तर्वार्ता आज शनिवार राति ९ बजे लोकान्तर डट्कमको फेसबूक पेज र यूट्युब च्यानलबाट प्रसारण हुनेछ ।
