०३ असार २०८३, बुधबार
म्यान्मारमा शनिवार सैनिक शासकहरूले १०० भन्दा बढी प्रदर्शनकारीहरूको हत्या गरिरहँदा सेनाप्रमुख मिन आङ ह्लाइङ तथा अन्य अधिकारीले भव्य पार्टी आयोजना गरेर मस्ती गरेका छन् ।
शनिवार सशस्त्र बल दिवसको अवसरमा उनीहरूले पार्टी गरेका हुन् ।
उनीहरू भोजमा रमाइरहँदा १०० भन्दा बढी मानिस अनाहकमा मारिएका थिए । गत फेब्रुअरी १ मा सेनाले कू गरेपछि भएका विरोध प्रदर्शनमा मर्नेको संख्या ४०० नाघिसकेको छ ।
बेलायत, अमेरिका, जापान र अस्ट्रेलिया लगायतका एक दर्जन मुलुकका रक्षामन्त्रीहरूले आइतवार एक संयुक्त विज्ञप्ति प्रकाशन गरेर म्यान्मारको सेनाको हिंस्रक गतिविधिको भर्त्सना गरेका छन् ।
विज्ञिप्तमा लेखिएको छ, ‘व्यावसायिक सेनाले अन्तर्राष्ट्रिय मापदण्ड अनुकूलको आचरण गर्छ र जनतालाई हानि नभई सुरक्षा गर्छ ।’
सबै मुलुकले म्यान्मारको कूको विरोध गरिरहेको भए पनि चीन र रुसले गरेका छैनन् । त्यसैले संयुक्त राष्ट्रसंघको सुरक्षा परिषदमार्फत म्यान्मारको सेनामाथि कारवाही गर्न गाह्रो छ ।
