भारतको पश्चिम बंगालमा राज्यमा डायमन्ड हार्बर निर्वाचन क्षेत्रका भारतीय जनता पार्टी उम्मेदवार दीपक हल्दार र उनका कार्यकर्तालाई शुक्रवार बिहान लट्ठीले कुटपिट गरिएको प्रहरीले जनाएको छ । 

बिहान साढे ९ बजे हरिदेवपुर क्षेत्रमा हल्दरले अभियान चलाइरहँदा उनका समर्थक र स्थानीय जनतामाथि भनाभन भएको थियो । 

‘भनाभन बढ्दै गएपछि हल्दर र उनका समर्थकहरूलाई लट्ठीले कुटपिट गरियो,’ प्रहरीले बतायो ।
 

हल्दर पहिला तृणमूल कांग्रेसका विधायक थिए र विधानसभा निर्वाचनअघि उनी भाजपमा प्रवेश गरेका हुन् । 

कुटपिटमा परेपछि उनलाई अस्पताल भर्ना गरिएको छ । 

उनका समर्थकलाई पनि अस्पतालमा भर्ना गरिएको प्रहरीको भनाइ छ । 

दुईजनालाई आक्रमणको आरोपमा पक्राउ गरिएको प्रहरीले जनायो । 

ममता बनर्जीको तृणमूल कांग्रेसले आक्रमण गराएको भाजपाले आरोप लगाएको छ । तृणमूलले यसलाई अस्वीकार गरेको छ । 

आक्रमणलगत्तै भाजपा समर्थकहरूले नेसनल हाइवे ११७ मा यातायात अवरुद्ध गरेको थिए तर तिनलाई प्रहरीले तत्कालै हटाएको थियो ।