काठमाडौं, १२ पुस — शुरुमा हेर्दा यो तस्वीरमा महिला साथीहरू सोफामा बसेर हातमा ड्रिंक लिएर फोटो खिचाइरहेका देखिन्छन् ।
तर नजिकैबाट हेर्दा यो तस्वीरमा एउटा अचम्मको कुरा छ ।
थाहा पाउनुभयो त ?
ध्यान दिएर हेर्नुस् त, बीचकी युवतीको खुट्टै छैन ।
अमेरिकामा हालसालै लिइएको यो तस्वीरमा ६ जना साथीहरू सोफामा रिल्याक्स गरिरहेका भेटिन्छन् तर जम्मा पाँचजनाको खुट्टा मात्र देखिन्छ ।
फोटो अपलोड भएपछि धेरैजना रनभुल्लमा परे । हैन, बीचकी केटीको खुट्टा कहाँ गायब भयो भनेर खोज्ने धेरै भेटिए ।
धेरैजनालाई चाहिँ यो गजबको दृष्टिभ्रम हो भन्ने लाग्यो । बीचकी महिलाको खुट्टा अरू महिलाको खुट्टापछाडि लुकेको भन्ने लाग्यो धेरैलाई ।
वास्तविकता के हो कसैलाई थाहा हुन सकेको छैन ।
मिरर युके
