२९ जेठ २०८३, शुक्रबार
भारतीय क्रिकेट टीमका पूर्व कप्तान महेन्द्र सिंह धोनीको पहिचान बनेको हेलिकप्टर शटबाट प्रभावित भएर एक कम्पनीले चकलेट मंगलवारदेखि बजारमा ल्याएको छ ।
७इंकब्रुज नामक स्टार्टअप कम्पनीमा धोनी आफू पनि शेयरधनी छन् र त्यसैले चकलेट ल्याएको हो ।
मुम्बईमा रहेको यो कम्पनी मोहित भागचन्दानीले स्थापना गरेका हुन् ।
चकलेट तथा अल्कोहल राखिएका अनि नराखिएका बेभरेजहरू कप्टर७ ब्रान्डअन्तर्गत बजारमा ल्याइएका हुन् । धोनीको पहिचान बनेको हेलिकप्टर शट र उनको शर्ट नम्बर ७ जोडेर ब्रान्ड बनाइएको हो ।
चकलेटको प्याकेजिङ र लेबलिङ पनि धोनीको जर्सी र रंगबाट प्रेरित छ ।
चकलेट बनाउनका लागि कम्पनीले चकलेट निर्माता तथा शेफ डेभिड बेलोसँग सहकार्य गरेको हो ।
‘दक्षिण भारतबाट लिइएको काकाओबाट बनाइएको यी चकलेटहरू अर्गानिक, भिगन र जीएमओबाट मुक्त छन् । यसले तपाईंलाई भारतको काकाओ बीनको गुणस्तरलाई आस्वादन गर्ने अवसर दिन्छ,’ कम्पनीको प्रेस रिलीजमा उल्लेख गरिएको छ ।
