२२ जेठ २०८३, शुक्रबार
चितवनमा आइतबार साँझ ट्याक्टर दुर्घटना हुँदा ५ को मृत्यु भएको छ । राप्ती नगरपालिका–११ आमपानीस्थित चिउँडे खोलामा ट्र्याक्टर दुर्घटना भएको जिल्ला प्रहरी कार्यालय चितवनले जनाएको छ ।
दुर्घटनामा १९ जना घाइते भएको जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्यबहादुर थापाले बताए ।
थाकलटारबाट ढलानको काम गर्ने मजदुर बोकेर चिउँडे खोलातर्फ जाँदै गरेको ना १ त ६३८२ नम्बरको ट्र्याक्टर साँझ ७ः३० बजे पुलबाट झण्डै २०० मिटर तल खसेको थियो ।
घाइतेको भरतपुर अस्पताल र पुरानो मेडिकल कलेजमा उपचार भइरहेको र तीमध्ये आठको अवस्था गम्भीर रहेको उनले बताए ।
