०९ साउन २०८३, शनिबार
कर्णाली प्रदेश सरकारका मुख्यमन्त्री महेन्द्रबहादुर शाहीले विश्वासको मत लिने प्रस्ताव प्रदेश सभासमक्ष पेश गरेका छन् ।
प्रदेश सभाको शुक्रवारको बैठकमा प्रस्ताव पेश गर्दै मुख्यमन्त्री शाहीले 'एकताबद्ध छौं भन्ने आभास दिन लागि विश्वासको मत लिने प्रस्ताव पेश गरेको' बताए ।
उनले असन्तुष्टिका विषयहरूमा छलफल गर्न सकिने भन्दै आफूलाई विश्वासको मत दिन अपिल गरे ।
'माओवादी केन्द्रको सिटको क्षमता कति छ भन्ने थाहा हुँदाहुँदै पनि सबै मान्यज्यूहरूलाई दलको तर्फबाट अपिल गरिसकेका छौं,' शाहीले भने, 'फेरि पनि सदनबाट सबै मान्य सदस्यज्यूहरूलाई भन्न चाहन्छु- छलफल गरौंला, कर्णालीका इस्यू साझा इस्यु हुन् । सबैले मतदान गर्नुहुन्छ भन्ने विश्वास सहित प्रस्ताव प्रेस गर्न चाहन्छु ।'
उनले प्रदेशका एजेन्डा साझा भएकाले सबै मिलेर अगाडि बढ्नुपर्ने बताए ।
