टर्कीमा प्याराग्लाइडिङ गरिरहेकी एक महिलाले स्टन्ट गर्दा कालो चश्मा उडेको अनि २० सेकेन्डपछि फेरि उनकै काखमा आएर खसेको छ ।
 

मुग्ला प्रान्तको ओलुडेनिज गाउँमाथि प्याराग्लाइडिङ गर्दागर्दै ट्युबा टर्कसिभको चश्मा हराएको थियो । 

उनी प्याराग्लाइडिङ प्रशिक्षक आईसेनुर काटिर्चीसँग उडिरहेको बेलामा घटना भएको हो । 
 

फूटेजमा देखिन्छ, यो जोडी टर्किश रिभिएरामा उड्दै गर्दा टर्कसिभको चश्मा उड्छ । 

उनीहरूले स्पाइरलिङ सकेपछि टर्कसीभले चश्मा उडेको थाहा पाउँछिन् र प्रशिक्षकलाई भन्दै गर्दा अचानक चश्मा काखमा आइपुग्छ । 

त्यसपछि दुवै महिला हाँस्छन् र बिस्तारै तलतिर झर्छन् ।