२१ जेठ २०८३, बिहीबार
नेपाल कम्युनिस्ट पार्टी स्थापना दिवसका अवसर पारेर नेकपा (एमाले)ले वैशाख ९ गते काठमाडौँको बल्खुमा केन्द्रीय कार्यालयको शिलान्यास गर्ने भएको छ । करिब आठ रोपनी क्षेत्रफलमा निर्माण हुने केन्द्रीय कार्यालयको प्रधानमन्त्री एवं नेकपा एमालेका अध्यक्ष केपी शर्मा ओलीले शिलान्यास गर्ने कार्यक्रम तय भएको पार्टी कार्यालय सचिव ईश्वरी रिजालले जानकारी दिए ।
पार्टी कार्यालय शिलान्यास गर्ने निर्णय बालुवाटारमा सोमबार बसेको नेकपा एमालेको महाधिवेशन आयोजक कमिटी बैठकले गरेको हो । यसअघि नै एमालेले महासचिव ईश्वर पोखरेलको संयोजकत्वमा विष्णु पौडेल र विष्णु रिमाल सदस्य रहेको पार्टी कार्यालय निर्माण तथा व्यवस्थापन कार्यदल गठन गरेको थियो । गोरखापत्रमा खबर छ ।
