२८ असार २०८३, आइतबार
पहिलेको जमानामा एक ठाउँबाट अर्को ठाउँमा चिट्ठीपत्र पु–याउनका लागि परेवाको प्रयोग गरिन्थ्यो । त्यतिखेर प्रविधि नभएकाले यो एक बाध्यता पनि थियो ।
अहिले आएर चाहिँ परेवाको प्रयोग अपराधका लागि पनि हुन थालेको छ । हालै कुवेतका अधिकारीहरूले इराकबाट आएका परेवाहरू पक्राउ गरेका थिए । परेवाको काँधमा लागूऔषध पो राखिएको पाइयो ।
बिचरो परेवालाई अपराध गरिरहेछु भन्ने के थाहा ? ऊ त सिधै कुवेतको भन्सार विभागमाथि उडिरहेको बेलामा पक्राउ प–यो ।
परेवाको ढाडमा हातैले सिइएको एउटा ब्याकप्याक टाँसिएको थियो र त्यसमा १७८ वटा लागूऔषध थियो । इराकबाट कुवेत आउँदैथियो यो लागूऔषध ।
परेवाले आफ्नो शरीरको तौलभन्दा दश प्रतिशत बढी तौल उठाउन सक्छ र एकैचोटिमा १५० किलोमिटर उड्न सक्छ ।
परेवाहरू लागूऔषध ओसारपसारका लागि खुबै प्रयोग गर्न थालिएका छन् किनकि उनीहरू तीव्र गतिमा उड्न सक्छन् र उनीहरूलाई पक्रन पनि गाह्रो हुन्छ ।
एजेन्सी
