०३ असार २०८३, बुधबार
गण्डकी प्रदेशका मुख्यमन्त्री पृथ्वीसुब्बा गुरुङविरुद्ध दर्ता भएको अविश्वासको प्रस्तावमाथि मतदान हुने तयारी भइरहँदा सम्पर्कविहीन भएका सांसद खिमविक्रम शाहीले आफ्नो स्वास्थ्यबारे लिखित जानकारी दिएका छन् ।
बिहीवार एक जानकारी पत्र सार्वजनिक गर्दै सांसद शाहीले अचानक बिरामी भएर अस्पताल गएको र बेहोस भएको जानकारी दिए ।
‘हाल मेरो स्वास्थ्यमा क्रमित सुधार आएको महसूस गरेको छु, म थप स्वस्थ भएपछि मेरो बारेमा उठेका कैयौं प्रश्नको बारेमा स्पष्ट गर्ने नै छु,’ उनले भनेका छन् ।
सांसद शाहीले आफू पार्टी निर्णयप्रति प्रतिवद्ध रहेको जनाएका छन् । ‘पार्टीको निर्णय र संसदीय दलको बैठकमा गरिएको निर्णयमा मेरो पनि सहभागिता रहेका कारण ती निर्णयहरूप्रति मेरो पनि सहमति रहेकाले त्यस विषयमा पार्टी निर्णयप्रति प्रतिबद्धता कायमै छ,’ उनले भनेका छन् ।
