२६ जेठ २०८३, मंगलबार
कोरोनाको कहर कसैलाई लागि विपत हो भने कसैका लागि यो अवसर हो ।
जोखिम मोलेर भए पनि गरीब मजदूरहरू शव बोकेर पैसा कमाउन बाध्य भएका छन् ।
भारतको मोक्षनगरी बनारसमा ज्यान गुमाएकाहरूको परिवारका सदस्य डराइरहेको बेलामा मजदूरहरूले लाश बोक्ने काम गरिरहेका छन् ।
मोक्षको कामना गर्दै काशीमा अन्त्येष्टिका लागि मानिसहरू आइरहेका छन् तर शवलाई उठाउन डराइरहेका छन् ।
यस्तो अवस्थामा शव बोक्ने मजदूरहरूले काम पाएका छन् । केही मजदूरी पाइने आशामा उनीहरू संक्रमणको जोखिम मोलेर भए पनि अन्त्येष्टिमा सघाइरहेका छन् ।
एउटा शव बोेकेको २२ सय भारुसम्म पाउने गरेको राजेश नामक मजदूर बताउँछन् । तर त्यो पैसा चारजनामा बाँड्नुपर्ने हुन्छ । डराएर पेट नभरिने हुनाले कोरोना संक्रमितको शव बोक्ने गरेको उनको भनाइ छ ।
