नेकपा एमालेका वरिष्ठ नेता झलनाथ खनाललाई कोरोना संक्रमण भएको छ ।

कोरोनाको सामान्य लक्षण देखिएको र नर्भिक अस्पताल थापाथलीमा भर्ना भएको उनको सचिवालयले जनाएको छ ।

खनालको स्वास्थ्य अवस्था समान्य नै रहेको सामाजिक सञ्जाल फेसबूकमार्फत जानकारी दिइएको छ ।

'नेकपा एमालेका वरिष्ठ नेता तथा पूर्वप्रधानमन्त्री झलनाथ खनालज्यूलाई कोभिड १९ को सामान्य लक्षण देखा परेका कारण नर्भिक इन्टरनेसनल हस्पिटल थापाथलीमा भर्ना हुनुभएको छ र वँहाको स्वास्थ्य अवस्था सामान्य रहेको सबैमा जानकारी गराउँदछौं,' खनालको आधिकारिक फेसबूक पेजमा लेखिएको छ ।