पश्चिम बंगालमा मतगणना चलिरहेकोमा तृणमूल कांग्रेसले सरकार बनाउने पक्का भइसकेको छ । भारतीय जनता पार्टी विपक्षमा बस्नेछ । 

तर कांग्रेस, वामपन्थी र असदुद्दीन ओवैसीको एआईएमआइएमको बिजोक भएको छ । 
 

ओवैसीका पार्टीले बिहारमा पाँच सीट जितेपछि अतिउत्साहित भएर बंगालको चुनावमा भाग्य परीक्षण गरेको थियो । अन्य राज्यमा जस्तै मुसलमानहरूको भोट आफूतिर सोहोर्ने सोच उसले बनाएको थियो । 

तर प्रचारका क्रममा गरेको वाचा र तमाम रणनीति केही काम लागेन । 
 

ओवैसीका पार्टीका सबै नेताहरूको बिजोक छ । 
 

मतपरिणाम हेर्दा मुुसलमानहरूको भोट तृणमूललाई गएको देखिन्छ ।  
 

सागरदिगी सीटमा तृणमूलका सुव्रोतो शाहको अग्रता रहँदा ओवैसीका पार्टीका नेता नूर महबूब निकै पछि छन् । भरतपुर सीटमा पनि तृणमूलका हुमायूँ कबीर अघि छन् । ओवैसीका पार्टीका सज्जाद हुसैनको नामोनिशान देखिँदैन । 

लगभग सबै सीटमा तृणमूल र भाजपाकै टक्कर छ । अन्य दलहरूको कुनै प्रभाव देखिएको छैन ।