२९ असार २०८३, सोमबार
नेपाली कांग्रेसका केन्द्रीय सदस्य तथा सांसद गगनकुमार थापाले निजी मेडिकल कलेज र अस्पताललाई डेडिकेटेड कोरोना अस्पताल बनाउनुपर्ने सुझाव दिएका छन् ।
सोमवार सामाजिक सञ्जाल ट्विटरमा लेख्दै नेता थापाले निजी अस्पतालसँग सम्झौता गर्न ढिलाइ गर्न नहुने बताए ।
उनले लेखेका छन्, ‘कोरोनाको तीव्र संक्रमणसँगै बिरामीले अस्पतालमा सामान्य शय्या समेत पाउन मुस्किल भइसकेको छ । स्वास्थ्य तथा जनसंख्या मन्त्रालयले तत्कालै निजी मेडिकल कलेज र निजी अस्पतालसँग सम्झौता गरी यी अस्पताललाई कम्तीमा ३ देखि ६ महिना डेडिकेटेड कोरोना अस्पतालको रूपमा सञ्चालन गर्ने व्यवस्था गर्न विलम्ब नगरौं ।’
कोरोनाको तीव्र सङ्क्रमणसँगै बिरामीले अस्पतालमा सामान्य शैया समेत पाउन मुस्किल भइसकेको छ।@mohpnep तत्कालै निजी मेडिकल कलेज र निजी अस्पताल सँग सम्झौता गरी यी अस्पताललाई कम्तीमा ३ देखि ६ महिना डेडिकेटेड कोरोना अस्पतालको रूपमा सञ्चालन गर्ने व्यवस्था गर्न विलम्ब नगरौँ।
— Gagan Thapa (@thapagk) May 3, 2021
