पश्चिम बंगाल विधानसभा निर्वाचनमा भारतीय जनता पार्टीका उम्मेदवार बाबुल सुप्रियो हारेका छन् र हारलाई पचाउन सकेका छैनन् । 

उनले ममता बनर्जीलाई बधाई नदिने र जनादेशको सम्मान पनि नगर्ने बताएका छन् । 

उनले सामाजिक सञ्जालमा लेखे, ‘न त म ममता बनर्जीलाई बधाई दिन्छु न त म यस जनादेशलाई सम्मान गर्छु । भाजपालाई एकपटक मौका नदिएर बंगालको जनताले भ्रष्ट, अक्षम सरकार र एक क्रूर महिलालाई फेरि सत्तामा ल्याएर ऐतिहासिक भूल गरेको छ ।’ 

उनले थप लेखे, ‘कानून पालन गर्ने नागरिकका रूपमा म लोकतान्त्रिक मुलुकमा मानिसहरूले गरेको फैसलालाई पालन गर्छु ।’ 

पछि सुप्रियोले पोस्ट डिलिट गरे ।