१० साउन २०८३, आइतबार
भारतको पश्चिम बंगालमा तृणमूल कांग्रेसको प्रचण्ड विजय भएसँगै राज्यका विभिन्न ठाउँमा हिंसा चर्किएका छन् ।
सोमवार नन्दीग्राममा भारतीय जनता पार्टीको कार्यालयमा तोडफोड गर्ने कोशिश गरियो । अनि त्यहाँ आगजनी पनि गर्न खोजियो ।
तृणमूलका कार्यकर्ताहरूले यो उपद्रो गरेको आरोप भाजपाले लगाएको छ ।
भाजपा कार्यालय मात्र नभई अनेकौं पसल र घरमा तोडफोड र आगजनी गरिएको छ ।
प्रहरी घटनास्थलमा पुगेपछि हंगामा गर्नेहरू भागेका थिए ।
नन्दीग्राम बजारमा तनावको स्थिति छ ।
ममता बनर्जीले नन्दीग्राममा चुनाव हारेकाले तृणमूल कार्यकर्ताहरू आक्रोशित भएका हुन् । ममतालाई भाजपाका शुभेन्दु अधिकारीले हराएका हुन् ।
आइतवार बंगालको दुर्गापुरमा भाजपाको कार्यालयमा आगजनी गरिएको थियो । दुर्गापुर पश्चिममा भाजपाका उम्मेदवार रहेका लखनका अनुसार, तृणमूल कार्यकर्ताहरूले रातभरि बाइकमा घुमेर आतंक मच्चाउँदै हिँडेका थिए ।
