२९ असार २०८३, सोमबार
म्यान्मारका कवि खेत थीले सैनिक शासकका विरुद्ध प्रतिकारका कविता लेख्ने गरेकोमा हिरासतमा उनको मृत्यु भएको छ ।
उनको शरीरका अंगहरू निकालेर परिवारलाई बुझाइएको छ ।
कवि थीले लेखेका थिए, ‘उनीहरू टाउकोमा गोली हान्छन् तर क्रान्ति मुटुमा हुन्छ भन्ने थाहा पाउँदैनन् ।’
उनी ४५ वर्षका थिए ।
थीकी पत्नीका अनुसार, उनी र थीलाई शनिवार सशस्त्र सैनिकहरूले श्वेबो शहरमा सोधपुछका लागि लगेका थिए । उक्त शहर सैन्य कूविरुद्धको केन्द्र बनेको छ ।
‘
मलाई सोधपुछ गरियो । उनलाई पनि गरियो । उनी सोधपुछ केन्द्रमै छन् भनेका थिए उनीहरूले । तर उनी फर्किएनन्, शरीर मात्र फर्कियो,’ पत्नी च सुले बताइन् ।
‘उनीहरूले मलाई बिहान बोलाए अनि मोनीवास्थित अस्पतालमा भेट्न भने । उनको हात भाँचियो होला वा अरू केही भयो होला जस्तो लागेको थियो । तर त्यहाँ पुग्दा उनलाई मूर्दाघरमा राखिएको रहेछ र उनका भित्री अंगहरू झिकिएका रहेछन्,’ उनले भनिन् ।
थीलाई मुटुको समस्या थियो भनी अस्पतालमा बताइएको भए पनि सुले मृत्यु प्रमाणपत्र पढिनन् किनकि त्यो सत्य हो भन्नेमा उनलाई शंका थियो ।
सेनाले थीलाई गाड्ने योजना बनाएको भए पनि उनले शरीर लैजान पाऊँ भनी बिन्ती गरिन् । पतिका शरीरका अंग कसरी निकालियो भन्ने उनलाई थाहा भएन ।
