०२ असार २०८३, मंगलबार
कञ्चनपुरमा पछिल्लो २४ घण्टामा कोरोना संक्रमणबाट थप ११ जनाको मृत्यु भएको छ ।
महाकाली अस्पतालमा उपचाररत संक्रमितको मृत्यु भएको अस्पतालका कोभिड–१९ सम्पर्क व्यक्ति डा. गोविन्द रोकायाले जानकारी दिए ।
उनका अनुसार अस्पतालमा अहिले संक्रमणको लक्षणसहित ८९ जनाको उपचार भइरहेको छ । ‘अक्सिजनका भरमा संक्रमितको उपचार भइरहेको भए पनि पूर्ण रूपमा आपूर्ति हुन सकिरहेको छैन,’ उनले भने, ‘अक्सिजनबाहेक अन्य विकल्पमा पनि संक्रमितले सोच्नुपर्ने बेला आएको छ ।’
अन्य विधिबाट पनि अक्सिजनको स्तर सामान्य अवस्थामा आउने जनाउँदै उनले उपचारमा रहेका संक्रमितले आत्मबल उच्च राख्नुपर्नेमा जोड दिए । जिल्लामा दैनिक रूपमा संक्रमितको मृत्यु भइरहेको छ भने संक्रमितको संख्या पनि वृद्धि हुँदै गइरहेको छ ।
