३१ जेठ २०८३, आइतबार
सुदूरपश्चिममा रहेको दार्चुलालाई भारतको धारचूलासँग जोड्ने अन्तर्राष्ट्रिय पुल खुलेको भए पनि कोरोना संक्रमण बढेकाले बजारहरूमा चहलपहल देखिएको छैन ।
भारत प्रवेश गर्नका लागि कोरोनाको आरटीपीसीआर रिपोर्ट आवश्यक छ अनि नेपालमा लकडाउन लगाइएको छ । त्यसैले दुवैतर्फ मानिसको आवागमन शून्य छ ।
नेपाली ग्राहकहरूमा निर्भर भारतीय बजारका पसलेहरू चिन्तित छन् ।
धारचूलामा लगभग २५० वटा पसल छन् । त्यस बजारबाट दिनका एक हजार नेपाली ग्राहकले किनमेल गर्ने गरेका छन् ।
नेपालीहरू भारतीय बजारमा खाद्यान्न, नून, तेल, कपडा, जुत्ता चप्पल र अन्य आवश्यक वस्तुहरू किन्ने गर्छन् ।
सामान्य अवस्थाका त्यहाँका ग्राहक भनेका नेपाली नै हुन् । लगभग ७० देखि ८० प्रतिशत बिक्री नेपालीहरूलाई नै गरिन्छ ।
अनि भारतको झूलाघाट बजार पनि नेपालीमै निर्भर छ । त्यहँ लगभग १५० पसल छन् ।
बैतडीमा लकडाउन लगाइएकाले नेपाली ग्राहक झूलाघाट पुग्न पाएका छैनन् । त्यसै पनि कोभिड कर्फ्युका कारण बजारहरू ढिलो गरी खुलिरहेका छन् ।
नेपालीहरू नआउँदा भारतीय पसलेहरू निधारमा हात लगाएर बसेका छन् ।
