प्रधानमन्त्री एवं पार्टी अध्यक्ष केपी शर्मा ओलीसँग भेटवार्ताका लागि नेकपा एमालेको माधव नेपाल पक्षीय नेताहरू सिंहदरबार पुगेका छन् ।

साँझ ६ बजेका लागि तय भएको वार्तामा सहभागी हुन वरिष्ठ नेता माधवकुमार नेपाल, नेताहरू घनश्याम भुसाल,  गोकर्ण विष्ट लगायत सिंहदरबार पुगेका हुन् ।

ओली र नेपालबीच बिहीवार क्याप्टेन रामेश्वर थापाको चपलीहाइटस्थित घरमा ४ घण्टा लामो वार्ता भएको थियो ।

उक्त वार्तामा ओली-नेपाल दुवै २०७५ जेठ २ को पेरिफेरिमा पुगेर सहमति खोज्न तयार भएका थिए । त्यसलाई अन्तिम रूप दिन कार्यदल गठन गर्ने तयारी छ ।

एमाले विवाद समाधानउन्मुख हुँदा माधव नेपालपक्षीय सांसदहरूको राजीनामा समेत टरेको छ ।