माघ १३, २०८०
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
जेठ २, २०७८
कोरोना संक्रमणले बाग्लुङको एक परिवारलाई ठूलो बज्रपात परेको छ ।
बाग्लुङको बडिगाड गाउँपालिका वडा नम्बर ४ (साविक ग्वालीचौर गाविस) को रेस्मी परिवारका ४ जनाको कोरोना संक्रमणका कारण ज्यान गएको हो ।
जलजला गाउँको रेस्मी परिवारमा एक हप्ताको फरकमा बाबु, दुई छोरा र एक छोरी गरी ४ जनाको मृत्यु भएको छ ।
त्यहाँ कोरोना संक्रमण विवाहपछिको ढोगभेटबाट फैलिएको बताइएको छ ।
संक्रमणबाट आफ्ना बुवा, दुइ दाजुभाइ र एउटी दिदीको निधन भएको परिवारका साइँला छोरा थमन रेस्मीले लोकान्तरलाई जानकारी दिए ।
यस्तो छ संक्रमणको कहानी
जलजलाका थमन रेस्मीका छोरा अमितको विवाहपछि वैशाख ११ गते ढोगभेट थियो । बजारमा कोरोना संक्रमणको त्रास बढे पनि गाउँमा कोरोनाको डर अझै पुगिसकेको थिएन ।
विवाहमा आफन्त दाजुभाइ, नातागोता जम्मा भएका थिए । विवाहमा न भौतिक दूरी, न अन्य सावधानी कुनै कुनै कुराको ख्याल गरिएन ।
धुमधामसँग ढोगभेट सकिन नपाउँदै अमितका काका रुपचन्द्रलाई ज्वरो आयो । रुपचन्द्रले रुपन्देहीको सुनौली बुटवल हुँदै जलजलासम्म गाडी चलाउँथे । रुपचन्द्रसँगै विवाह जम्मा भएका एकपछि अर्को व्यक्तिलाई रुघाखोकी र ज्वरो आउन थाल्यो ।
४२ वर्षका रुपचन्द्रलाई ज्वरो, स्वास्वप्रश्वासमा समस्या आएपछि वैशाख १७ गते एम्बुलेन्समा ५ घण्टा लगाएर बाग्लुङको धौलागिरी अञ्चल अस्पतालमा ल्याएर भर्ना गरियो ।
सिकिस्त रुपचन्द्रलाई त्यहीँ पीसीआर जाँच गर्दा उनमा कोरोना पोजेटिभ भएको रिपोर्ट आयो । त्यसको भोलि १८ गते रुपचन्द्रका बुवा ८७ वर्षिया बलिभद्रलाई पनि गम्भीर समस्या देखिएपछि बाग्लुङ बजार ल्याइयो ।
बलिभद्रलाई रुपचन्द्रले आफ्नै गाडीमा राखेर विवाह हुनुभन्दा केही दिनअगाडि भैरहवाबाट घर ल्याएका थिए । बलिभद्रलाई पनि कोभिड देखियो । उपचारकै क्रममा बलिभद्रको २४ गते बाग्लुङमा मृत्यु भयो ।
संक्रमण परिवारमा फैलिएसँगै रुपचन्द्रका दाजु केयरसिंह रेस्मीलाई हेलिकप्टरबाट पोखरा ल्याइयो ।
रुपन्देहीको भैरहवामा बसाइँसराई गरेका केयरसिंह दाजुको छोराको ढोगभेटका लागि भनेर गाउँ गएका थिए ।
केयरसिंहलाई उपचारका लागि भैरहवास्थित युनिर्भसल, कलेज अफ मेडिकल साइन्समा हेलिकप्टरबाट ल्याउने तयारी गरिए पनि यहाँ बेड खाली नभएपछि पोखरातर्फ लगिएको थियो ।
केयरसिंहको वैशाख ३१ गते मणिपाल अस्पताल पोखरामा मृत्यु भएको हो ।
विवाहमै सहभागी रुपचन्द्रकी दिदी ५४ वर्षिया धनमाया रास्कोटीको पनि शनिवार (जेठ १ गते) बाग्लुङमै उपचारका क्रममा मृत्यु भएको थमनले बताए ।
‘रुपचन्द्रको गाडीबाटै संक्रमण फैलियो’
संक्रमणबाट एकै परिवारका ४ जनाको मृत्यु भएपछि अहिले जलजला शोकमा डुबेको छ । बडिगाड गाउँपालिकाका अध्यक्ष मेयरसिंह पाइजाले विवाह भोजबाट संक्रमण फैलिएको भन्दा पनि रुपचन्द्रमार्फत संक्रमण फैलिएको हुन सक्ने आशंका गरे ।
‘रुपचन्द्रले आफ्नै गाडी रुपन्देहीको सुनौलीबाट बाग्लुङको जलजला रुटमा चलाउँथे,’ पाइजाले लोकान्तरसँग भने, ‘उनको आफ्नो पसल पनि छ । शुरू मा बजार जाने आउने रुपचन्द्रले नै गाउँमा संक्रमण ल्याएको हुन सक्छन् । तर, उनी पनि विवाहमा सहभागी भए त्यही कारण विवाह र भोजभतेरबाट संक्रमण फैलियो भनियो ।’
भारतमा कोरोना संक्रमण तीव्र रूपमा फैलिएपछि घर फर्किने नेपालीहरूलाई उनले गाउँसम्म ल्याउने गरेको पाइजाको भनाइ छ ।
‘विवाहमा सहभागी ४७ जनामा संक्रमण’
विवाहमा सहभागी भएका र लक्षण देखिएकाहरूको पीसीआर गर्दा ४७ जनामा कोभिड देखिएको वडा नम्बर ४ का अध्यक्ष प्रेम गलामीले जानकारी दिए ।
उनले भने, ‘परिवारका १७ जनाको र विवाहमा सहभागी सबै गरी ४७ जनामा संक्रमण देखियो । यस घटनाले गाउँमा शोकसँगै त्रास बढेको छ ।’
गाहाले अहिले गाउँलाई सिल गरी संक्रमण रोकथामको पहल गाउँपालिकाले थालेको जानकारी दिए ।
वडा नम्बर ५ का वडाध्यक्ष अर्जुनप्रसाद खरेलले एउटै परिवारका चार जनाको निधनपछि अहिले संक्रमण गाउँभरी संक्रमण फैलिएको आशंका गरिएको बताए ।
अहिले गाउँमा धेरै रुघाखोकी र ज्वरोका बिरामी धेरै भएको उनले बताए ।
संक्रमणपछि गाउँमा बनाइयो १० बेडको आइसोलेसन
गाउँमा कोरोनाको संक्रमण फैलिएपछि गाउँपालिकाले १० बेडको आइसोलेसन सेन्टर निर्माण गरेको छ । संक्रमितको उपचारको लागि १० बेडको आइसोलेसन सेन्टर बनाइएको पाइजाले बताए ।
रोल्पाका देवराज बुढामगर गाउँकै साधारण किसान हुन् । परिवर्तन गाउँपालिका–४ पाथावाङ निवासी देवराजका ६ छोरी र एक छोरा सरकारी जागिरे छन् । छोराको आसमा ६ छोरी जन्माए देवराज र उनकी श्रीमती नन्दाले । हुन पन...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
मनीषा जीसीको वास्तविक नाम विष्णु घर्ती क्षेत्री हो । गुल्मीको धुर्कोट गाउँपालिका– ३ हाडहाडेकी विष्णुलाई धेरैले मनीषा भनेर चिन्छन् । उनै मनीषा लोक सेवा आयोगले लिएका पाँचवटा परीक्षामा एकसाथ नाम निकालेर अह...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
२०५८ साल वसन्त ऋतुको समय । घमाइलो त्यो समयमा एउटा फूल काँडाको बाटो डोरिँदै थियो । बहकाउ र त्रासमा १३ वर्षको बालक सत्तालाई बन्दुक नाल तेर्स्याउन कस्सिएको थियो । लहडमा हिँडेको बाटोमा न ऊ फुल्न पायो, न ओइलियो ।...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...