०२ असार २०८३, मंगलबार
गण्डकी प्रदेश सरकारको आर्थिक सहयोगमा लमजुङको क्व्होलासोथर गाउँपालिकाले ४१ वटा सोलार बत्ती वितरण गरेको छ ।
गाउँपालिकाले सोमवार वडा नम्बर ३ घलेगाउँ, वडा नम्बर ४ भुजुङ र वडा नम्बर ५ सिंदीमा सोलार बत्ती वितरण गरेको हो ।
गाउँपालिकाका अनुसार घलेगाउँमा ५, भुजुङ र सिंदीमा १८/१८ वटा गरी ४१ वटा सोलार बत्ती वितरण गरेको हो ।
पर्यटकीय गाउँ र रातिको समयमा विभिन्न गाउँमा आउने पर्यटकदेखि स्थानीयलाई असहज भएकाले सहजताको लागि सोलार बत्ती वितरण गरिएको गाउँपालिका अध्यक्ष प्रेमबहादुर घलेले बताए ।
उनले भने, ‘पर्यटकीय गाउँ भुजुङ, घलेगाउँ र सिंदीलाई सोलार वत्ती वितरण गर्ने निर्णय गरिएको हो ।’
सोलार बत्ती जडान भएपछि बत्ती गएको सयमामा पनि पाहुनाको स्वागत सत्कारसँगै सार्वजनिक कार्यहरू सञ्चालन गर्न सहज हुने अपेक्षा गरिएको छ । राति हुने विभिन्न घटनामा सोलार बत्तीले स्थानीयलाई धेरै सहज पुग्ने बताइएको छ ।
ती सोलारहरू ती गाउँका मुख्य बाटो, सार्वजनिक स्थल पार्टी पौवामा सोलार बत्ती जडान गरिने भएको छ ।
