अरब सागरबाट आएको ताउते चक्रवातका कारण भारतको मुम्बईमा विनाश मच्चिएको छ । 

मुम्बईमा १३२ वटा रुख लडेका छन् । 

एकजनाको मृत्यु भएको खबर छ । 

चक्रवातका कारण चर्को हावा चलेर अत्यधिक वर्षा भइरहेको छ । अत्यधिक वर्षाका कारण कैयौं ठाउँमा पानी भरिएको छ । 

तटीय क्षेत्रमा रहेका १२ हजारभन्दा बढी नागरिकलाई सुरक्षित स्थानतर्फ सारिएको छ । 

अरब सागर चक्रवाती आँधीहरूको केन्द्र बन्न थालेको छ । विगत ४० वर्षमा सागरका तटीय क्षेत्रमा तापक्रम १.२ देखि १.४ डिग्री सेल्सियससम्म बढेको छ ।