केही दिनयता कोरोना संक्रमितको संख्या घट्ने क्रममा रहेकोमा सोमवार अघिल्ला दिनहरूको तुलनामा धेरै संक्रमित फेला परेका छन् ।

पछिल्लो २४ घण्टामा ९ हजार २ सय ४७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

२१ हजार ६ सय ५३ पीसीआर र ४३४ एन्टीजेन गरी कुल २२ हजार ८७ नमूना परीक्षण गरिएको थियो ।

जसमा पीसीआरतर्फ ९ हजार १ सय ९८ र एन्टीजेनतर्फ ४९ जनामा संक्रमण पुष्टि भएको मन्त्रालयले जनाएको छ ।

कोरोनाका संक्रिय संक्रमितको संख्या १ लाख १३ हजार ४ सय ८० पुगेको छ ।

पछिल्लो २४ घण्टामा मृतकको संख्या पनि अघिल्ला दिनहरूको तुलनामा बढेको छ । यसक्रममा २ सय १४ जनाको मृत्यु भएको मन्त्रालयले जनाएको छ ।

यससँगै मृतकको संख्या ५ हजार २ सय १५ पुगेको छ ।

पछिल्लो २४ घण्टामा ५ हजार ७ सय ६७ जना संक्रमणमुक्त भएको मन्त्रालयले जनाएको छ ।