०३ असार २०८३, बुधबार
स्वास्थ्य तथा जनसंख्या मन्त्रालयले कोभिड–१९ संक्रमितका उपचारका लागि देशभरका ३० अस्पतालमा कोभिड–१९ केयर युनिट सञ्चालन गर्ने भएको छ ।
मन्त्रालयका सहप्रवक्ता डा. समिरकुमार अधिकारीले देशभरिका सरकारी तथा निजी अस्पतालमा कोभिड–१९ केयर युनिट सञ्चालनका लागि सम्झौता गरिएको जानकारी दिए ।
ती अस्पतालमा संक्रमितले निःशुल्क उपचार पाउने छन् । १ नम्बर प्रदेशमा १, २ नम्बर प्रदेशमा २, बागमती प्रदेशमा १७, गण्डकी र लुम्बिनी प्रदेशमा २/२ तथा सुदूरपश्चिम प्रदेशमा ६ अस्पताल रहेका छन् ।
ती अस्पतालमा संक्रमण र सामान्य लक्षण भएका बिरामीको उपचार गरिन्छ ।
