०३ असार २०८३, बुधबार
भारतको पुणेमा बस्ने १६ वर्षीय किशोर प्रथमेश जाजूले चन्द्रमाको अहिलेसम्मकै सबभन्दा स्पष्ट तस्वीर खिचेर सामाजिक सञ्जालमा राखेका छन् ।
यो उक्त तस्वीर भाइरल भइरहेको छ ।
उनले ५० हजारभन्दा बढी तस्वीर खिचेपछि थ्री डाइमेन्सनल शट तयार पारे ।
उनी सिकारु एस्ट्रोनोमर र एस्ट्रो फोटोग्राफर हुन् । आफूले खिचेको तस्वीरले चन्द्रमाको थर्ड क्वार्टरको सबभन्दा स्पष्ट रूप देखाएको र यसबाट विविध जानकारी पाइने उनी बताउँछन् ।
यसक्रममा उनले लगभग १०० जीबी डेटा उपयोग गरे । फोटो प्रोसेस गर्दा त्यो डेटा बढेर १८६ जीबी पुग्यो ।
भिडियो र फोटो प्रोसेसमा लगभग ४० घन्टा लागेको उनी बताउँछन् । त्यही प्रोसेसिङपछि चन्द्रमाको सबभन्दा स्पष्ट तस्वीर आउन सक्यो ।
तस्वीरहरू कसरी उम्दा खिच्ने र प्रोसेसिङ कसरी गर्ने भन्ने विषयमा उनले अनेकौं लेख पढे र भिडियोहरू पनि हेरे ।
आफूले व्यावसायिक रूपमा एस्ट्रोनोमी पढ्न चाहेको उनी बताउँछन् ।
![प्रचण्ड-माधवलाई नेतृत्व छाड्न सुझाउँदै झलनाथको ३६ बुँदे असन्तुष्टि [पूर्णपाठ]](https://lktcdn.prixacdn.net/media/Jhalanath_Khanal_2_JvhQVGr68a.jpg)
