अमेरिकाले नेपाललाई अनुदानमा खोप उपलब्ध गराउने घोषणा गरेको छ । राष्ट्रपति विद्यादेवी भण्डारीको अग्रसरता  र नेपाल सरकारको क्रियाशीलतामा अमेरिकाले अनुदानमा खोप नेपाललाई उपलब्ध गराउने भएको राष्ट्रपतिका प्रेस विज्ञ  टीका ढकालले जानकारी दिए । 

सुरुमा अमेरिकाले ५० लाख डोज खोप दिने जानकारी ट्वीटरमार्फत दिएका उनले पछि आफ्नो ट्वीट सच्याउँदै आफूहरुको अपेक्षा ५० लाख डोज खोप पाउने रहेको बताएका छन् ।

‘कोभिड–१९ विरुद्धको खोप प्राप्तिमा आज अर्को  सफलता प्राप्त भएको छ । हाम्रो अनुरोधलाई स्वीकार गर्दै संयुक्त राज्य अमेरिकाले नेपाललाई पचास लाख डोज खोप उपलब्ध गराउने जानकारी गराएको छ’, ढकालले ट्वीटरमार्फत भनेका थिए ।

तर लगत्तै आफ्नो ट्वीट सच्याउँदै उनले भने, ‘मैले उल्लेख गरेको परिमाणलाई म तत्काल सच्याउन चाहन्छु ! यो परिमाण हाम्रो अपेक्षा र अनुरोध हो ।'

मैले उल्लेख गरेको परिमाणलाई म तत्काल सच्याउन चाहन्छु ! यो परिमाण हाम्रो अपेक्षा र अनुरोध हो I I stand corrected on the number ! https://t.co/haUmUCdKhL

— Tika P. Dhakal (@TikaDhakaal) June 3, 2021

यसैगरी अमेरिकी राजदूतले अमेरिकी भ्याक्सिन अनुदानमा पाउने मुलुकमध्ये नेपाल पनि एक हुने गरेको उल्लेख गरेका छन् । जुन कुरा ह्वाइटहाउसले घोषणा गरेको राजदूत -यान्डी बेरीको भनाइ छ । बेरीले नेपालले कति पाउने भन्नेबारे केही खुलाएकाछैनन् ।

I join my fellow Americans, & all friends of Nepal, in celebrating the @WhiteHouse announcement that Nepal will be among the countries to receive direct vaccine donations from the United States. More details are coming soon! Together we will #beatthevirus.https://t.co/0gM5inom5x pic.twitter.com/0aLf8p00iJ

— Ambassador Randy Berry (@USAmbNepal) June 3, 2021

यसैगरी प्रधानमन्त्री केपी शर्मा ओलीले खोप दिने अमेरिकी सरकारको निर्णयप्रति राष्ट्रपति जो बाइडेन र उपराष्ट्रपति कमला ह्यारिसलाई धन्यवाद ज्ञापन गरेका छन् ।

We welcome the US decision to provide COVID-19 vaccines to Nepal. Thank you @POTUS, @VP for responding to our appeal for these precious life-saving doses! Nepal and Nepali people remain grateful. This reaffirms the strength of Nepal-US friendship.

— K P Sharma Oli (@kpsharmaoli) June 3, 2021

अमेरिकाले नेपाललाई कुन खोप दिने भन्नेबारे भने स्पष्ट भइसकेको छैन । राष्ट्रपति विद्यादेवी भण्डारीको पहलमा यसअघि चीनले पनि १० लाख डोज खोप दिने घोषणा गरेको थियो भने त्यसमध्ये ८ लाख डोज प्राप्त भइसकेको छ ।

 राष्ट्रपतिका प्रेस विज्ञको जानकारीको आधारमा समाचार प्रकाशित भएकोमा उनले ट्वीट सच्याएकाले समाचारमा पनि  संशोधन गरिएको छ-सम्पादक