नयाँ दिल्ली, २० जेठ– पूर्बी भारतको विहार प्रदेशको एउटा परीक्षामा सर्वाेच्कृष्ट अङक ल्याएका एक जना विद्यार्थी प्रहरी नियन्त्रणमा परेका छन् ।

उमेर ढाँटेको अभियोगमा ती विद्यार्थीलाई पक्राउ गरी अनुसन्धान सुरु गरिएको प्रहरी अधिकारीहरुले जानकारी दिएका छन् ।

गणेश कुमार नामका एक विद्याथीले यस वर्षको कक्षा १२ को बोर्ड परीक्षामा विहान प्रदेश मै सबैभन्दा धेरै अङ्क ल्याएका थिए । दुई सन्तानका बाबुसमेत रहेका उनले आफ्नो उमेर ४२ वर्ष भएपनि ढाँटेर २४ बनाएको अभियोग लगाइएको छ ।

‘उनले विहार विद्यालय परीक्षा बोर्डमा आफ्नो उमेर ढाँटेर दुरुपयोग गरेको पाइएको छ,’ एक जना वरिष्ठ प्रहरी अधिकारीले भनेका छन् ।

बोर्डका अध्यक्ष आनन्दकिशोरले सञ्चारकर्मीहरुसँग भने, ‘कुमार, जो कक्षा १२ को परीक्षामा सबै भन्दा धेरै अङक ल्याएका थिए, उनको उमेरका बारेमा टिप्पणी गर्दै उजुरी परेपछि उनलाई प्रहरीले पक्राउ गरेको हो ।’