११ साउन २०८३, सोमबार
नेकपा एमालेको माधव नेपाल पक्षको समर्थनका कारण सुदूरपश्चिम प्रदेशमा माओवादी केन्द्र नेतृत्वको सरकार जोगिएको छ ।
प्रदेश सभामा मंगलवार भएको मत विभाजनमा एमालेको माधव नेपाल पक्षले मुख्यमन्त्री त्रिलोचन भट्टको पक्षमा मतदान गरेको हो ।
५१ सांसद उपस्थित भएकोमा मुख्यमन्त्री भट्टको पक्षमा ३० र विपक्षमा ९ मत पर्यो कांग्रेसका १२ जना सांसद तटस्थ बसे । विश्वास जित्नका लागि २७ मत आवश्यक थियो ।
सूदुरपश्चिम प्रदेशसभा सभामुख अर्जुनबहादुर थापाले प्रदेश सभामा कायम सदस्य संख्याको बहुमतको समर्थन प्राप्त भएकाले मुख्यमन्त्री भट्टले प्रदेश सभामा विश्वासको मत प्राप्त गरेको घोषणा गरेका छन् ।
सरकारलाई दिएको समर्थन फिर्ता गर्ने एमालेको निर्णयपछि मुख्यमन्त्री भट्टले विश्वासको मत लिएका हुन् ।
एमाले संस्थापन पक्षले विपक्षमा मतदान गर्न निर्देशन दिएपछि सुदूरपश्चिम प्रदेश सभामा माधव नेपाल पक्ष हाबी हुँदा उनीहरूले केन्द्रको निर्देशन मानेनन् ।
