१९ असार २०८३, शुक्रबार
गण्डकी प्रदेशका मुख्यमन्त्री पृथ्वीसुब्बा गुरुङले विश्वासको मत लिने दिन आज बिहीवारै बिहान एउटा समाचार फैलियो ।
जुन समाचार देखेर सबै जना चकित परे । समाचारको व्यहोरा थियो – मुख्यमन्त्री पृथ्वीसुब्बा गुरुङको राजीनामा ।
तर उनले गत वैशाख २६ गते गरेको राजीनामाको व्यहोराको पत्रमा २०७८ जेठ २६ गतेको मिति उल्लेख गरी तोडमोड गरिएको थियो । सोहीलाई आधार मानेर केही मिडियाले समाचार हाले ।
यसैबीच, प्रदेश प्रमुखको कार्यालयले सूचना खण्डन सम्बन्धमा भन्दै विज्ञप्ति जारी गरेको छ । कार्यालयका सूचना अधिकारी चण्डिप्रसाद अर्यालले जारी गरेको विज्ञप्तिमा सामाजिक सञ्जालमा भ्रामक सूचना प्रवाह गरेको कुराले कार्यालयको ध्यानाकर्षण भएको र यस्ता असत्य, भ्रामक सूचना सम्प्रेषण नगर्न नगराउन आग्रह गरिएको छ ।
