पार्टीको चौधौं महाधिवेशनको तयारीको विषयमा छलफल गर्न नेपाली कांग्रेस केन्द्रीय समितिको बैठक शुरू भएको छ । 

पार्टी केन्द्रीय कार्यालय सानेपामा बिहीवार अपराह्न बैठक शुरू भएको केन्द्रीय सदस्य डा. डीला संग्रौलाले लोकान्तरलाई जानकारी दिइन् । 

बैठकअघि वरिष्ठ नेता रामचन्द्र पौडेल पक्षधरले पार्टी कार्यालयमै छलफल गरेका थिए । 

कांग्रेसले भदौ १६ देखि १९ सम्म पार्टीको महाधिवेशनको मिति तोकेको छ ।

आजको बैठकले कार्यतालिका कार्यान्वयनबारे केही निर्णय लिने अपेक्षा गरिएको छ । 

कोरोना महामारीलाई मध्यनजर गर्दै महाधिवेशनको मोडालिटीको विषयमा छलफल गर्ने कांग्रेसले जनाएको छ । 

यसअघि कांग्रेस सभापति शेरबहादुर देउवाले विज्ञप्ति प्रकाशित गरी तोकिएको समयमै महाधिवेशन गर्ने प्रतिबद्धता जनाएका थिए ।