अमेरिकाका लागि रुसी राजदूत एनाटोली एन्टोनोभ आइतवार मस्कोबाट न्युयोर्कतर्फ उडेका छन् । 

न्युयोर्कबाट उनी वाशिङटनस्थित दूतावास जानेछन् । 

बुधवार अमेरिकाका राष्ट्रपति जो बाइडन र रुसका राष्ट्रपति भ्लादिमिर पुटिनबीचको शिखरवार्तापछि राजदूत पुनः पठाउने विषयमा सहमति बनेको थियो । त्यसपछि राजदूतहरू आआफ्नो पोस्टमा चाँडै फर्किने घोषणा गरिएको थियो । 

केही महिनाअघि बाइडनले पुटिनलाई हत्यारा भनेपछि मस्कोले वाशिङटनस्थित राजदूतलाई फिर्ता बोलाएको थियो । 

अनि अप्रिल महिनामा रुसले अमेरिकी राजदूत जोन सलिभानलाई निकालेको थियो । 
 

सलिभान पनि छिट्टै मस्को फर्किने बताइएको छ ।