०६ साउन २०८३, बुधबार
युरोकपको राउन्ड अपप १६ को खेलमा साबिक विजेता पोर्चुगल बेल्जियमसँग १–० गोलले हारेपछि पोर्चुगलका कप्तान क्रिस्टियानो रोनाल्डोले रिसको सुरमा हातेपट्टि (आर्मब्यान्ड) मैदानमा फालेका छन् ।
थोर्गान हजार्डको सुन्दर गोलको सहायताले बेल्जियम विजयी भएपछि यसै प्रतियोगितामा अली दाईको कीर्तिमान पार गर्ने रोनाल्डोको सपना अधुरै रह्यो ।
पोर्चुगलले गोलका लागि २३ वटा प्रयास गरेको भए पनि उपलब्धि शून्य भयो ।
ढल्किँदो उमेरका कारण युरोकपको अर्को संस्करणमा शायद रोनाल्डो देखिने छैनन् । त्यसले गर्दा पनि होला शायद खेल सकिएलगत्तै उनले भावनामा काबु राख्न सकेनन् र कप्तानको हातेपट्टि भुइँमा मिल्काए ।
केही महिनाअघि उनले विश्वकपको छनोट खेलमा सर्बियाविरुद्ध गोललाई मान्यता नदिइएपछि यसैगरी आक्रोश पोखेका थिए ।
Ronaldo threw his armband to the ground after Portugal was eliminated by Belgium from #Euro2020. #Portugal #BEL #POR pic.twitter.com/YY7LNKu8vD
— OGCOM (@OGambling) June 27, 2021
