०५ साउन २०८३, मंगलबार
चिनियाँ कम्युनिस्ट पार्टीले १०० वर्ष पूरा गरेको अवसरमा चीनको सरकारी टीभी च्यानल सीजीटीएनले बुधवार लज्जास्पद स्थितिको सामना गर्नुपरेको छ ।
सीजीटीएनले भारतको तेजस लडाकू विमानको भिडियो काटेर त्यसलाई आफ्नो फाइटर जेट जे–१० का रूपमा प्रस्तुत गरेको थियो । प्रयोगकर्ताहरूले सामाजिक सञ्जालमा त्यसको पोल खोलेपछि भिडियोलाई उसले ट्विटरबाट डिलिट गरेको थियो ।
टीभीले चिनियाँ वायुसेनाका पाइलट र युद्धविमानको शक्तिको प्रचारप्रसार गर्नका लागि प्रोपागान्डा भिडियो बनाएको थियो । त्यस भिडियोमा उसले लडाकू विमानबाट बम खसाएको देखायो । विमानका कतिपय फूटेजहरू पनि देखाइएको थियो । फूटेजमा जुन घातक बम खसाएको देखाइएको थियो, त्यो खासमा भारतको तेजस फाइटर जेट थियो ।
तेजसले बम खसाउने परीक्षण सन् २०१३ मा गरेको थियो । त्यसक्रममा तेजसले लेजर गाइडेड बम खसाएको र आकाशबाट आकाशमै क्षेप्यास्त्र प्रहार गरेको थियो ।
सीजीटीएनले यो फूटेज निकालेर आफ्नो जस्तो गरी प्रस्तुत गरेको खुलासा भएपछि ट्विट डिलिट गरिदियो ।
तर चिनियाँ टीभीको उक्त फूटेज यूट्युबमा उपलब्ध छ । मानिसहरूले चीन संसारभरिबाट डिजाइन चोरेर हतियार बनाउँछ, अब हुँदाहुँदा भिडियो फूटेज पनि चोर्न थाल्यो भनेर मजाक उडाइरहेका छन् ।
此片已經在英文媒體上全網刪除，所有鏈接均404. 戰友們趕快找找中文媒體，下載保存。 pic.twitter.com/UUmzCfDCMq
— Dr. Bo 🇺🇸🇹🇼🇭🇰 (@BoDiplo) June 30, 2021
