क्यानडाको मानितोबामा बेलायती महारानीहरू भिक्टोरिया र एलिजाबेथ द्वितीयाका मूर्तिहरू भत्काएर क्षतविक्षत गरिएको छ । 

आदिवासीहरूका सयौं चिहान फेला परेपछि उपनिवेशवादको प्रतीकका रूपमा रहेको बेलायती महारानीको मूर्ति भत्काइएको हो । 

प्रदर्शनकारीहरूले रानी भिक्टोरियाको मूर्तिमा रातो पेन्ट पोतेका थिए । असन त्यसमा यस्तो लेखेका थिए, ‘हामी पनि कुनै बेलामा बालबालिका थियौं । उनीहरूलाई घर फर्काऊ ।’

घटनाको भिडियो पनि सार्वजनिक भएको छ । विरोधकर्ताहरूले मूर्तिमा डोरीले बाँधेर लडाएको अनि लडाऊ लडाऊ भनी चिच्याएको सुनिन्छ । 

मूर्ति लडाएपछि भेला भएका मानिसहरूले खुशियाली मनाएका थिए । 

हराएका बालबालिकाको सम्मानका लागि विरोधकर्ताहरूले सुन्तला रंगको शर्ट लगाएका थिए । उनीहरू प्रत्येक बालबालिकाको जीवनको महत्त्व नामक जुलुसमा समेत भाग लिएका थिए । 

क्यानडामा जुलाई १ मा राष्ट्रिय दिवस मनाउने गरिन्छ र मानितोबा संसदमा गरिएको प्रदर्शन त्यसै अवसरमा भएको हो । 

आवासीय विद्यालयहरूमा फर्स्ट नेसन भनिने आदिवासी समुदायहरूका सयौं बालबालिकाका भौतिक अवशेषहरू फेला परेपछि कठोर प्रतिक्रियाहरू आइरहेका छन् । 
 

क्याथोलिक चर्चहरूले चलाएको विद्यालयमा बालबालिकाका शव भेटिएपछि विरोधकर्ताहरू चर्च बाहिर भेला भएर विरोध गरिरहेका छन् । कतिपय चर्चमा आगजनी समेत गरिएको छ ।  

Protesters topple statues of The Queen and Queen Victoria over deaths of Indigenous children found in mass graves pic.twitter.com/zEhe7vMQtG

— The Sun (@TheSun) July 2, 2021