०३ असार २०८३, बुधबार
कोरोना भाइरस संक्रमण विरुद्धको खोप लगाउँदा मधुमेह (चिनी रोग) बिरामीलाई नराम्रो असर देखिएको छ ।
कोरोना खोप लगाउँदा सामान्य असर अधिकांशमा देखिएपछि मधुमेहका बिरामीको रगतमा चिनीको मात्रा अचानक बढेको पाइएको छ ।
भारतको नयाँदिल्लीस्थित डायबिटिज अस्पतालले दिएको जानकारी अनुसार खोप लगाएपछि ७–८ जना मधुमेहका बिरामी अस्पताल आएका र रगतमा चिनीको मात्रा बढेको पाइएको भारतीय सञ्चारमाध्यमले जनाएका छन् ।
खोप लगाएपछि ५८ वर्षीया एक महिला अस्पतालको सम्पर्कमा आएकी जनाउँदै अस्पतालका अध्यक्ष डा. अनुप मिश्राले भने, ‘खोप लगाउनुअघि ती महिलाको रगतमा ग्लुकोज लेभल औषधि र खानाका कारण नियन्त्रणमा थियो तर खोप लगाएपछि १ महिनासम्म बढेको पाइएको छ । महिलामा औषधिको मात्रा बढाइएको छ ।’
एक अर्का ६४ वर्षीय पुरुषले कोभिशिल्ड खोप लगाएपछि रक्तचाप १३०/८० मीमीबाट बढेर १६०/९० मीमीमा पुगेको समाचारमा उल्लेख छ ।
कोरोना महामारी नियन्त्रणका लागि प्रभावकारी मानिएको खोप लगाएपछि मधुमेहका बिरामीमा देखिएको असरले डाक्टरहरू चिन्तित बनेका छन् ।
