२९ जेठ २०८३, शुक्रबार
सरकारमा सहभागिताको विषयलाई लिएर नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले कांग्रेस सभापति शेरबहादुर देउवासँग परामर्श गर्ने भएका छन् ।
देउवाले प्रधानमन्त्रीको शपथ लिनुअघि प्रचण्डले छलछल गर्न लागेका हुन् ।
पार्टी केन्द्रीय कार्यालय कोटेश्वरमा मंगलवार बिहान बसेको माओवादी स्थायी कमिटी बैठकले सरकारमा सहभागी हुनुपूर्व देउवासँग छलफल गर्ने निर्णय गरेको हो ।
बैठकपछि प्रवक्ता नारायणकाजी श्रेष्ठले देउवासँग छलफल गरेपछि मात्र माओवादीले मन्त्री टुंगो लगाउने जानकारी दिए ।
‘अध्यक्ष प्रचण्डले तुरुन्तै भावी प्रधानमन्त्री देउवासँग सरकार सञ्चालनका निम्ति आवश्यक विविध विषयमा प्रारम्भिक छलफल गर्ने र ठोस निर्णय गरेर मन्त्रिपरिषद्मा जाने सदस्यको टुंगो लाछ,’ श्रेष्ठले भने, ‘नामको बारेमा अहिले छलफल भएन । कस्तो मन्त्रिपरिषद् गठन गर्ने भन्न बारेमा छलफल गरेपछि मात्र निर्णय गर्न उपयुक्त हुन्छ भनेर नामबारे निर्णय हुन्छ ।’
