१० साउन २०८३, आइतबार
रुसका विमान निर्माताहरूले यही साता मस्को एयर शोमा नयाँ लडाकू विमान सार्वजनिक गर्ने बताएका छन् ।
उक्त नयाँ युद्धविमान त्रिपालले छोपेर मस्कोबाहिर रहेको झुकोव्स्कीको एक एयरफील्डमा राखिएको देखिएको छ ।
त्यहाँ मंगलवारबाट एमएकेएस–२०२१ इन्टरनेसनल एभिएसन स्पेस स्यालोन आरम्भ हुँदैछ । रुसका राष्ट्रपति भ्लादिमिर पुटिनले यसको आरम्भ समारोहमा भाग लिँदैछन् ।
नयाँ फाइटर जेट सुखोइ विमान निर्माताले बनाएको हो । लाइट ट्याक्टिकल फाइटरको निर्माणको कार्यक्रमअन्तर्गत बनाइएको हो ।
रुसको पछिल्लो सु–५७ डबल इन्जिन स्टेल्थ फाइटरभन्दा यो विमान सानो छ र यसमा एउटा मात्र इन्जिन छ ।
अमेरिकाको एफ–२२ र्याप्टर स्टेल्थ फाइटरसँग स्तर मिल्ने गरी रुसले यो विमान बनाएको हो । यसलाई ध्वनिको गतिभन्दा द्रुत बनाउने क्षमता पनि विकासकै क्रममा छ ।
नयाँ युद्धविमानको नाम सार्वजनिक गरिएको छैन । यसको क्षमता र तैनाथीको सम्भावनाका विषयमा केही खुलाइएको छैन ।
