१३ असार २०८३, शनिबार
विराटनगर–५ बिजुली अफिस अगाडि मोटरसाइकलमा बसिरहेकै अबस्थामा मृत भेटिएका विराटनगर–५ मुनालपथका ४८ सुदर्शन न्यौपानेको हत्या भएको हुनसक्ने आफन्तले आशंका गरेका छन् ।
को४प २३१६ नम्बरको मोटरसाईकलमा सोमवार राति न्यौपानेको शब भेटिएको थियो ।
मृतकका भतिजा सन्तोष न्यौपानेले कसैले दुर्घटना गराएर मोटरसाइकल माथि राखिदिएको हुनसक्ने आशंका गरेका छन् ।
‘मृतकको शरिरमा चोटपटक देखिनुका साथै कपडा च्यातिएको र दाहिने हातमा चोट र रगतको टाटा देखिएको प्रत्यक्षदर्शी बताउँछन् । मृतकको पत्नी, दुई छोरा र एक छोरी रहेका छन् ।
यता प्रहरीले भने उनको हत्या नभएको जनाएको छ ।
प्रारम्भिक अनुसन्धान गर्दा हत्या भएको नदेखिएको जिल्ला प्रहरी कार्यालय मोरङका एसपी जनार्दन जिसीले बताएका छन् ।
घटनाबारे थप अनुसन्धानलाई अगाडि बढाएको प्रहरीले जनाएको छ ।
