पहिचान खुलेपछि तालिबानले गर्‍यो भारतीय फोटोपत्रकारको हत्या

पुलित्जर पुरस्कार पाएका भारतीय फोटोपत्रकार दानिश सिद्दीकीको पहिचान खुलेपछि तालिबानले हत्या गरेको पाइएको छ । 

वाशिङटन एक्जामिनरको समाचारअनुसार, सिद्दीकी अफगान राष्ट्रिय सेनाको एक टुकडीसँग स्पिन बोल्डाक क्षेत्रमा सेना र तालिबानको भिडन्तको समाचार संकलनका लागि पुगेका थिए । 


Advertisement

उनीहरू भन्सार नाका नजिक पुग्दा तालिबानले आक्रमण गरेको थियो । त्यसले गर्दा टुकडी छुट्टिन परेको थियो । सिद्दीकी तीनजना अफगान सेनासँग परे । 

आक्रमणमा बमको छर्राले सिद्दीकीलाई घाइते बनाएपछि एक स्थानीय मस्जिदमा प्राथमिक उपचारका लागि सैनिकहरूले लगेका थिए । 


Advertisement

पत्रकार मस्जिदमा छन् भन्ने खबर फैलिएपछि तालिबान त्यहाँ पुग्यो र उनको हत्या गरिदियो । 

स्थानीयहरूका अनुसार, सिद्दीकी त्यहाँ भएकैले तालिबानले मस्जिदमा आक्रमण गरेको थियो । 

अमेरिकन इन्टरप्राइज इन्स्टिच्युटका वरिष्ठ फेलो माइकल रुबिनले सिद्दीकीको मृत शरीरको तस्वीर र भिडियोको विश्लेषण गर्दा ताबिलानले उनलाई टाउकोमा हिर्काएको अनि शरीरमा गोली बर्साएको पाए ।

सिद्दीकीले सन् २०१८ मा रोहिंग्या संकटको कभरेज गरेर पुलित्जर पुरस्कार पाएका थिए । यनले अफगानिस्तान द्वन्द्व, हङकङ विरोध प्रदर्शन र एसिया तथा युरोपका महत्त्वपूर्ण घटनाहरू कभर गरेका छन् । 

जुलाई १८ मा सिद्दीकीको शव दिल्ली ल्याइएपछि जामिया मिलिया इस्लामिया कब्रिस्तानमा दफन गरिएको थियो । 
 

एजेन्सी
एजेन्सी

लेखकबाट थप...

कमेन्ट गर्नुहोस्