कपिलवस्तु, १४ पुस–कपिलवस्तुको कृष्णनगर भन्सार कार्यलयमा गोली चल्दा दुई जना घाइते भएका छन् । घाइते दुवै जना सशस्त्र प्रहरी हुन् ।
कपिलवस्तुको कृष्णनगर नगरपालिका ६ धन्यनगरमा २४ घण्टे डीउटीमा रहेका प्रहरी हवल्दा मोहन श्रेष्ठ र कर्णबहादुर पुन लाई सवा दिउँसो १ मा भारतबाट गोली प्रहार भएको कपिलवस्तु प्रहरीले जनाएको छ ।
घाइते मोहन श्रेष्ठको दाहिने हातको औंलाको माझी औंला र पुनको फिर्पातामा गोली लागेको कपिलवस्तु प्रहरीले लोकान्तरलाई जानकारी दिए ।
घाइते प्रहरीको स्थानीय मेडिकलमा उपचार भइरहेको र अवस्था खतरामुक्त रहेको जनाइएको छ ।
