सभामुख अग्निप्रसाद सापकोटाले दार्चुलामा एसएसबीले तुइन काटेको घटनाबारे संसद्लाई सत्यतथ्य जानकारी गराउन रुलिङ गरेका छन् । 

एसएसबीले तुइन काट्दा जयसिंह धामी महाकाली नदीमा बेपत्ता भएको भन्ने विषयमा संसद्लाई यथासक्य चाँडो जानकारी दिन सभामुखले सरकारको ध्यानाकर्षण गराएका हुन् । 

प्रतिनिधि सभा बैठकमा सांसदहरूले दार्चुला घटनाका विषयमा सत्यतथ्य छानबिन गर्न माग गरेका थिए । 

जयसिंह धामी साउन १५ गते गाउँबाट सदरमुकाम खलंगा आउने क्रममा एसएसबीले तुइन फुकालिदिँदा बेपत्ता भएको स्थानीयवासीको भनाइ छ ।  बेपत्ता धामी अझै भेटिएका छैनन् ।