लुम्बिनी प्रदेश नेकपा एमाले संसदीय दलको बैठकले अहिलेको परिवर्तित परिस्थितिमा निर्णय गर्ने सम्पूर्ण अधिकार मुख्यमन्त्री शंकर पोखरेललाई दिएको छ । 

मुख्यमन्त्री निवासमा आज भएको बैठकमा प्रदेश सभामा देखिएका नयाँ परिस्थितिपछि के गर्ने भन्ने विषयमा छलफल भएको थियो । 

‘नयाँ परिस्थितिमा के  गर्ने भन्ने अधिकार मुख्यमन्त्रीलाई दिइएको छ,’ संसदीय दलका प्रमुख सचेतक भूमिश्वर ढकालले भने, ‘अहिले मुख्यमन्त्रीले राजीनामा दिने भन्ने निर्णयमा पुगिसकेका छैनौं । सबै अधिकार मुख्यमन्त्रीलाई दिएका छौँ ।’