२८ जेठ २०८३, बिहीबार
शांघाई कोअपरेसन अर्गनाइजेसनमा इरान पनि सदस्य बन्ने रुसको सुरक्षा परिषद्का सचिव निकोलाइ पात्रुशेभले बताएका छन् ।
उनले इरानी समकक्षी एड्मिरल अली शामखानीसँग बुधवार अपराह्न गरेको फोनवार्ता गरेका छन् ।
पात्रुशेभ र शामखानीले सुरक्षाको क्षेत्रमा रुस र इरानबीचको निरन्तर सहकार्यका विषयमा चर्चा गरेका छन् ।
त्यस विषयमा जानकारी दिँदै पात्रुशेभले बताए, ‘शांघाई सहमतिमा इरानको सदस्यतामा तेर्सिएका अवरोधहरू हटाइएको छ र प्राविधिक औपचारिकता पूरा भएपछि इरानको सदस्यतालाई अन्तिम रूप दिइनेछ ।
सन् १९९६ मा शांघाई ५ अर्गनाइजेसन नाममा पाँच सदस्यीय संगठन बनाइएको थियो । सैन्य तथा सुरक्षा लक्ष्यका साथ संगठनको निर्माण गरिएको हो । पछिपछि गएर संगठनमा सदस्यहरूको संख्या पनि बढ्दै गयो र यसका गतिविधि तथा लक्ष्यहरू पनि बढाइए ।
सन् २००२ को जुन महिनामा रुसको सेन्ट पिटर्सबर्गमा आयोजित एक बैठकमा सदस्य राष्ट्रहरूले बडापत्रमा हस्ताक्षर गरेका थिए ।
भारत र पाकिस्तान सन् २०१७ मा यस संगठनका स्थायी सदस्य बनेका थिए ।
इरानले सन् २००६ र २०१५ मा गरी दुईपटक स्थायी सदस्यताका लागि निवेदन दिएको थियो । तर ताजिकिस्तान र उज्बेकिस्तानले विरोध गरेकाले इरान सदस्य बन्न पाएन । संगठनको स्थायी सदस्य बन्न सबै सदस्य मुलुकको स्वीकृति आवश्यक हुन्छ ।
इरानको सक्रिय उपस्थिति तथा पूर्व र पश्चिमबीचको सम्पर्क गराउने उसको भूमिकाका कारण चीनको रेशममार्ग परियोजनाका लागि इरान महत्त्वपूर्ण मुलुक हो । स्थल र जलमार्ग दुवैमा इरानको भूराजनीतिक अवस्थिति महत्त्वपूर्ण छ ।
