मंसिर २५, २०८०
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
साउन २९, २०७८
मृत्युदर्ता भएको ६ वर्षपछि मोरङ बेलबारीका सुभाष तामाङले नागरिकता पाएका छन् । उनको नाम सरकारी अभिलेखमा मृतकको विवरण थियो ।
भोजपुरको षडानन्द नगरपालिका–२ पुर्ख्यौली घर भएका तामाङ २०७१ सालमा साउदी अरबको एक कम्पनीमा रोजगारीका लागि गएका थिए ।
२०७२ असार २४ गते दुर्घटना भएपछि तामाङको मृत्यु भएको भन्दै कम्पनीले अर्कैको शव पठाएको थियो । परिवारले दाहसंस्कार गरेर २०७२ साउन ६ गते षडानन्द नगरपालिका–२ मृत्युदर्ता गराएको थियो ।
मोरङको बेलबारी नगरपालिका–११ लक्ष्मीमार्गमा बसाइँ सरेका तामाङ आफ्नो मृत्यु दर्ता खारेज गरिदिन माग गर्दै जिल्ला प्रशासनदेखि वडा कार्यालयसम्म धाएका थिए ।
‘नागरिकता पाएपछि पुनर्जीवन पाएको महसुस भएको छ,’ नागरिकता पाएपछि उनले भने ।
मृत्युदर्ता भएपछि आफू जीवितै छु भनेर सरकारी अड्डा धाएका सुभाषलाई किन यत्तिका वर्ष लाग्यो त ?
मोरङका प्रमुख जिल्ला अधिकारी कोषहरी निरौला भन्छन्, ‘पीडित व्यक्ति समस्या लिएर सम्बन्धित ठाउँमा नआएका कारण ढिलो भएको हो ।
‘६ महिनाअघि आउनु भएको थियो, त्यसपछि हराउनु भयो,’ उनले भने, ‘मैले नै जनप्रतिनिधिलाई खोजेर ल्याउन भनेको हुँ ।’
के हो घटना ?
मोरङ बेलबारी–११, लक्ष्मीमार्गका सुभाष २०७१ सालमा परिवारमा खुशी ल्याउने सपना बोकेर साउदी हानिए । उनी हुन्डाइ कम्पनीमा काम गर्ने सम्झौतामा विदेश गएका थिए ।
काम गरेबापतको तलब बैंकमा आउने भएकाले आफू बसेको ठाउँबाट अलि टाढा जानु पर्थ्यो । बैंकबाट रकम झिकेर फर्कने क्रममा २०७२ असार २४ मा उनी चढेको गाडी दुर्घटना भयो । दुर्घटनापछि सुभाषको मृत्यु भएको भन्दै परिवारलाई जानकारी गराइयो ।
साउदीमै रहेका सुभाषका आफन्तले शव नेपाल पठाउन पहल गरे । १५ दिन नबित्दै शव त्रिभुवन विमानस्थल काठमाडौं आइपुग्यो ।
श्रीमती सन्तोषी र बुबा हर्कबहादुरले शव ल्याएर आफ्नो रीतिरिवाजअनुसार बेलबारीमा दाहसंस्कार गरे । पैसा कमाएर सुखको जिन्दगी काट्ने सपना बोकेर विदेश गएका सुभाषको मृत्युको खबर आएपछि परिवार शोकमा डुब्यो ।
सुभाष दुर्घटनामा परेको केही महिनापछि श्रीमतीलाई सुभाषका साथीहरूले फोन गरे । विदेशको नम्बरबाट फोन आउँदा सन्तोषीको मन झस्कियो ।
पहिलो आवाज सुन्दा उनले फिल्मको कथा जस्तै महसुस गरिन् रे । उनलाई पहिलो फोनमै ‘भाउजू सुभाष दाइ जिउँदै हुनुहुँदो रहेछ अस्पतालमा उपचार हुँदैछ,’ भनेर फोनमा भनिएको थियो ।
सुभाषकी श्रीमती सन्तोषीले भनिन्, ‘खबर सुनेर अनुहारमा केही छिन हाँसो त थपियो तर, दाहसंस्कार गरेको शव कसको थियो भन्ने चिन्ता भयो ।’
सुभाष भनेर दाहसंस्कार गरेका व्यक्ति भने बागलुङका टेकेन्द्र भण्डारी थिए ।
एउटै कम्पनीमा काम गर्ने चार जना तथा ट्याक्सी ड्राइभर एक जना गरी पाँच जना गाडीमा गएका थिए । ‘रातको करीब १ बजेको थियो होला हामी कोठातिर आउँदै थियौँ,’ सुभाषले भने, ‘बाटोमा गाडी दुर्घटनामा परेछ मेरो होस आउँदा म अस्पतालमा थिएँ । हामी पाँच जना गाडीमा गएकोमा म मात्रै बाँचेछु । म ६ महिना अस्पतालमा बसेपछि ठीक भएर कम्पनीमा गएर काम गरेँ ।’
आफन्तले उनलाई घरमा आउन हुँदैन भनेका थिए । उनको काजकिरिया गरिसकेकाले पुनर्जन्मको प्रक्रिया गर्नुपर्थ्यो । ‘मलाई आफन्तले तँ घरमा आउनु हुँदैन भनेकाले मेरो जन्मथलो भोजपुरको कुदाककाउले हाल षडानन्द नगरपालिकामा गएँ,’ उनले भने, ‘त्यहाँ जाँदा मलाई घरमा पस्न दिइएन । गाई बाँध्ने ग्वालीमा भकारीले बेरेर राखेको रहेछ । म गएर भकारीले बेरेर राखेको ठाउँमा पसेँ ।’
केही छिनमा उनकी आमा आएर ‘ऐया-ऐया’ भन्दै कराइन् । ‘म छक्क परेँ । मुनिबाट बुबाले के-के भो भनेर कराउनु भयो । म झन आत्तिएँ । केही छिनमै आमाले छोरो जन्मियो भनेर भन्नुभयो र नुहाइदिनुभयो ।’
उनका बुबाले त्यसपछि मात्रै आफूलाई हेरेको उनले बताए । ‘काजकिरिया सकेको मान्छे आउँदा पुनर्जन्म भएको भनेर कर्म गर्नुपर्दाे रहेछ,’ उनले भने, ‘संस्कार अनुसार मलाई पनि त्यसै गरियो ।’
सुभाषका एक छोरा, एक छोरी र श्रीमती छन् । अहिले उनी सफारी चलाउने गर्छन् ।
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...