नयाँ दल दर्ताका लागि निवेदन लिएर माधव नेपालसहितका नेताहरू निर्वाचन आयोग पुगेका छन् ।

एमाले केन्द्रीय कमिटीका ६६ जनाको हस्ताक्षरसहित दल दर्ताको निवेदन दिन नेपाल सहितका नेताहरू अपराह्न ४ः२७ मा निर्वाचन आयोग पुगेका हुन् ।

माधव नेपालका अलावा राजेन्द्र पाण्डे, रामकुमारी झाँक्रीलगायत नेताहरू पनि आयोग पुगेका छन् ।

राष्ट्रपतिबाट राजनीतिक दलसम्बन्धी अध्यादेश जारी भएपछि माधव नेपाल पक्षले नयाँ दल दर्ता गर्न लागेको हो । 

माधव नेपालको अध्यक्षतामा नेकपा एमाले (समाजवादी) पार्टी दर्ता गर्ने निर्णय उनीहरूले गरेका थिए । 

नयाँ दलको चुनाव चिह्न खुला किताब राखिएको छ । 

निवेदन दिए पनि आजै नयाँ दल दर्ता नहुने निर्वाचन आयोगले जनाएको छ । 

‘निवेदनमाथि छानबिन र सदस्यहरू सनाखत गर्नुपर्ने भएकोले आजै दर्ता हुँदैन, निवेदन मात्र दर्ता हुने हो,’ आयोग स्रोतले भन्यो ।